Nú er vetrarstarfið að hefjast

Nú er vetrarstarfið að hefjast. Afsakið hve þessi tilkynning kemur seint en sumarið var svo fljótt að líða☺️
Við byrjum í næstu viku 4 september skv. stundartöflu sem er eins og í fyrra.
Yngri hópur er á þri kl 17:00 og fim kl 16:00. Aldur 5-8 ára.
Eldri hópur er á mán – mið – og fim Kl 17:00. Aldur 9-12 ára.
Unglingar eru mán- þri- mið og fim kl 18:00. Aldur 13 -18 ára
Fullorðnir æfa á sama tíma og unglingar.
Á föstud kl 17:00 og laugard kl. 16:00 eru æfingar fyrir unglinga og fullorðna en ekki fast.
Byrjendur þurfa ekki að skrá sig sérstaklega og meiga mæta í 2 prufutíma áður en þeir skrá sig í Nora kerfið Iba.felog.is og þar er gengið frá æfingagjaldi. Þar er einnig hægt að nýta ÍTA ávísunina. Ekki er þörf á sértökum æfingafatnaði til að geta prufað Karate, bara mæta í íþróttafötum og æft er berfætt.
Við viljum einnig láta vita af því að helgina 14 og 15 sept
verða Smáþjóðaleikar í karate haldnir í Reykjavík í Laugardalshöllinni. Þetta er stærðsta mót sem haldið hefur verið á Íslandi í Karate. Félagið er með 8 keppendur á leikunum og undirbúningur hefur staðið yfir í allt sumar. Vikuna þar á undan þ.e 9-12 sept má gera ráð fyrir að einhverjar æfingar falli niður því Maggi verður eini þjálfarinn þá vikuna.
Vonumst til að sjá sem flesta og ekki hika við að hafa samband ef það eru einhverjar spurningar.